Um mig

Dagný Erla Vilbergsdóttir

Ég er doula, markþjálfi, leiðbeinandi í meðgöngujóga og fæðingarundirbúningi sem og ungbarnanuddi en áður hef ég lokið námi í og unnið sem kennari, náms- og starfsráðgjafi og hómópati. Ég er gift fimm barna móðir og á að auki tvö eldri stjúpbörn og stjúpbarnabarn. Ég hef alla tíð verið mikil áhugamanneskja um fæðingar, ungabörn og börn almennt. Ég elska að lesa mér til um og fræðast um mitt helsta áhugamál fæðingar, sem og að vera úti í fallegri náttúru og njóta samvista með fjölskyldu minni og vinum. Í gegnum fæðingarnar mínar og þekkingarleit í sambandi við fæðingarferlið varð ég meira og meira meðvituð um hversu mikill máttur fæðingarinnar er og hvernig hægt er með góðum undirbúningi og fræðslu, bæði að auka líkur á góðri fæðingarupplifun og efla móðurina því fæðing snýst um meira en það mikla kraftaverk að koma barni í heiminn. Mæður fæðast um leið sem getur verið engu síðri áskorun en sjálf fæðingin og hversu mikilvægt er að þær megi fæðast fullar af trú á eigin getu og styrk. Í því sambandi er mikilvægt að konur upplifi að fæðingin sé þeirra, að á þær sé hlustað, þær séu öruggar, þeirra þörfum og óskum mætt og þær geti verið við stjórnvölinn. En til þess að svo megi vera er góður undirbúningur gríðarlega mikilvægur og meiri þekking um fæðingarferlið og þau bjargráð sem hægt er að nýta sér skilar sér í verkjaminni og betri fæðingarupplifun. Mín hugsjón og það sem ég vil vinna að er að styðja og styrkja verðandi mæður og foreldra í að eignast sem besta fæðingarupplifun og hlúa að upphafi nýs lífs.

Dagný_Erla.jpeg

Menntun:

2020                      Postpartum doulunám, Julia Jones, Newborn Mothers.                                

2019                       Markþjálfun - grunnnám, Profectus                                                                                    

2015 - 2019           Doulunám, Jesse Remer, Dona Int. og Soffía Bæringsd., Hönd í hönd.                                                                                           

2017                       Nám í gerð fæðingarundirbúningsnámskeiða, En Anden Start, Dk.                                                            

2016                       Vinnustofa í stuðningi við konur í fæðingu, Smertefri Fødsel, Dk.                       

2016                       Vefnámskeið "Holding space for Pregnancy loss and Stillbirth", The Institute of Birth, Breath and Death, Amy Wright.                 

2015                       Vinnustofa, Natural Childbirth, Ina May.                                                            

2015                       Vinnustofa, kynferðislegt ofbeldi og konur í fæðingu, Penny Simkin.                                                                

2014 - 2015           Kennararéttindi í meðgöngujóga, jógastöðin Andartak.                                                                                

2013                       Leiðbeinandanám í ungbarnanuddi.                                                                

2012                       Fósturfræði við HÍ (Embryology).                                                                         

2007 - 2009         Fjöldi frh.námskeiða í hómópatíu.                                                          

2002 - 2006         LCPH nám í hómópatíu, College of Practical Homoeopathy, Birmingham.

1997 - 1998            Náms- og starfsráðgjöf við Háskóla Íslands. Diplomapróf.                                                                       

1992 - 1995            B.Ed kennnaranám. Kennaraháskóli Íslands

1987 - 1991             Stúdentspróf frá FÁ, náttúrufræðibraut.

©2018 modurafl.is.