Námskeiðin:
Hagnýt og eflandi fæðingarþjálfun

Hvert námskeið nær yfir tvo fimmtudaga í röð frá 18 - 20:30 þann fyrri og 18 - 20 þann seinni (en möguleiki á spjalli til 20:30). Fyrri fimmtudaginn eru makar/fæðingarfélagar með en þann seinni eru bara mæðurnar. Auk þess hittast mæðurnar eftir að allar hafa átt í "eftirfæðingarspjalli" með börnin. 

Næstu fæðingarþjálfunarnámskeið eru haldin í Lífsgæðasetri St. Jó í Hafnarfirði í haust:

Netnámskeiðin verða einnig í boði sem vefnámskeið í framhaldinu og þá hægt að taka hvar sem maður er á landinu. Fyrsta vefnámskeiðið hefst síðsumars!!!

Fylgist með auglýstum dagsetningum hér eða á Facebooksíðu Móðurafls

Markmið þeirra felst í eflandi fæðingarundirbúningi, þar sem konur og fæðingarfélagar þeirra eru undirbúin á þann hátt að þau eigi sem bestar líkur á góðri fæðingarupplifun, með minni verkjaupplifun og meira öryggi og trú á eigin getu. Á námskeiðunum eru kennd bjargráð sem gagnast gríðarvel til að hjálpa líkamanum að öðlast þann frið og þá slökun sem til þarf til að allt gangi sem best. Einnig er farið ítarlega í hvað hefur áhrif á fæðingarhormónin og hvað móðir og maki geta gert til að auka flæði þeirra sem og hvað hafi heftandi áhrif á þau og geri þar með fæðinguna lengri og meira krefjandi. Á námskeiðunum öðlast þátttakendur góðan skilning á fæðingarferlinu í heild en slíkt hefur mikið að segja og ekki hvað síst fyrir fæðingarfélagann sem fær þjálfun í hvernig hann getur verið ómetanlegur stuðningur í fæðingu sem og við brjóstagjöf. Kennd er öndunartækni bæði fyrir útvíkkunartímabilið; 1. stig fæðingarinnar og fyrir fæðinguna sjálfa; 2. stig fæðingar. Óskalisti ræddur og farið yfir fæðingarstöður og stellingar.
Námskeiðinu Fæðingarþjálfun er skipt niður í tvo hittinga fyrir fæðingu (og ef áhugi er fyrir hendi úrvinnslu eftir fæðingu). Í þeim fyrri mætir maki/fæðingarfélagi með en í öðrum tímanum eru það tilvonandi mæður sjálfar sem þjálfa upp bjargráðin sín svo sem öndun, slökun og sjónsköpun og jákvæðar staðhæfingar og ýmislegt fleira ásamt umræðum út frá þeirra óskum og umræðum um hvernig við aukum líkurnar á verkjaminni fæðingu og því að eignast okkar draumafæðingu. Mæðurnar fá einnig stuðning af hvor annarri og búið er til stuðningsnet fyrir hvern hóp. Eftir að allar hafa fætt er býðst mæðrunum að hittast í "eftirfæðingarkaffispjalli" (tími fundinn í sameiningu eftir að allar hafa fætt og er haldinn fyrri part dags) þar sem m.a. er farið yfir fæðingarupplifunina. Pör eða  mæður geta einnig bókað sig í persónulega fæðingarúrvinnslu. Þátttakendum á námskeiðunum Fæðingarfærni gefst einnig kostur á nánari samskiptum í lokuðum facebook hópum þar sem hægt er að veita stuðning og leita ráða.

Móðurafl býður einnig uppá douluþjónustu og meðgöngufylgd. Douluþjónustan felst í samfelldum stuðningi á meðgöngu, í fæðingu og eftir fæðingu (sjá nánar undir flipanum douluþjónusta og eftirfæðingarþjónusta). Meðgöngufylgdin felst í stuðningi á meðgöngu og fyrst eftir fæðingu en mæður hafa þá möguleikann á að bæta fæðingunni við og eru þá komnar í fulla douluþjónustu. Auk almennrar douluþjónustu má svo bæta við stuðningi eftir þörfum eða velja eftirfæðingarþjónustuna eina og sér.

Hvað fæðingarundirbúning varðar er einnig hægt að óska eftir einstaklingsmiðuðum undirbúningi.

Námskeiðið: Fæðingarþjálfun - hagnýtur og eflandi fæðingarundirbúningur!

Tvö skipti, tveir og hálfur tími í senn. Makar/fæðingarfélagar mæta í fyrri tímann. 

Eflandi fæðingarundirbúningur í litlum hópum þar sem konur og fæðingarfélagar þeirra fá ítarlega fræðslu um fæðingarferlið og eru undirbúin á þann hátt að þau eigi sem bestar líkur á góðri fæðingarupplifun, með minni verkjaupplifun og meiri trú á eigin getu. Á námskeiðunum eru kennd bjargráð sem gagnast gríðarvel til að hjálpa líkamanum að öðlast þann frið og þá slökun sem til þarf til að allt gangi sem best. Sjá nánar hér fyrir ofan.

Næstu námskeið:

Online Fæðingarþjálfunarvefnámskeið hefst síðsumars 2020.

Námskeið í Lífsgæðaseti St. Jó, Suðurgötu 41 í Hafnarfirði í haust. Dagsetningar koma inn innan skamms.

Einstaklingsmiðaður fæðingarundirbúningur

Eitt til tvö skipti, tveir - tveir og hálfur fími í senn.
Möguleiki á fjarfundum!

Fæðingarundirbúningur fyrir par eða konu og fæðingarfélaga hennar. Hér er um nokkurs konar einkafræðslu og þjálfun að ræða sem gefur pörum meiri möguleika á undirbúningi út frá þeirra þörfum. Tímarnir innihalda ítarlega fræðslu á fæðingarferlinu í heild og lögð eru inn þjálfun á ýmsum bjargráðum sem stuðla að betri fæðingarupplifun. Farið yfir hvernig fæðingarfélaginn getur verið besti stuðningur sem hægt er að hugsa sér. Eftirfylgd og frekari aðstoð ef óskað er.

©2018 modurafl.is.