Minimal Office

Fæðingarmarkþjálfun

Fæðingarmarkþjálfun og ráðgjöf

Almenn markþjálfun

"Markþjálfun er ferli sem felst í því að hjálpa annarri manneskju að hámarka frammistöðu sína og getu. Markþjálfun gerir ekki ráð fyrir að það þurfi að laga fólk - þvert á móti hjálpar hún þeim að finna og þróa styrkleika sína. Hún gengur út frá þeirri forsendu að fólk hafi svörin innra með sér og að hlutverk markþjálfans sé að hjálpa fólki að yfirstíga innra viðnám og truflun, gefa endurgjöf og veita leiðsögn."  Robert Dilt.

 

Markþjálfun er því máttugt tæki í sambandi við þjálfun fyrir fæðingu!

Fæðingarmarkþjálfun og ráðgjöf fyrir jákvæða og verkjaminni fæðingarupplifun!

Fæðingarmarkþjálfun og ráðgjöf er byggð bæði á markþjálfasamtölum og ráðgjöf varðandi aðferðir til að auka líkurnar á að ná takmarki þínu og líða vel með það sem að höndum ber. 

  • Fæðingarmarkþjálun gerir sýn þína skýrari á það sem þú stefnir að í fæðingu og hvers vegna.

  • Um opin samskipti er að ræða varðandi hvaðeina.

  • Unnið með hræðslu- og kvíðavekjandi hugsanir fyrir fæðingu ef þess er þörf.

  • Viðkomandi er aðstoðaður við að þróa með sér jákvætt hugarfar og tilfinningar til verðandi fæðingar.

  • Verðandi móðir þjálfar upp hagnýt bjargráð til að takast á við fæðinguna. svo sem öndunaraðferðir, notkun sjónsköpunar og jákvæðra staðhæfinga auk þess að fara yfir fæðingarstöður og stellingar ef vill.  

  • Viðkomandi er frjálst að hafa fæðingarfélaga sinn með í viðtölum eða sér paratímum.

Bóka má samtal í síma 698-2977 eða á dagnyerla@modurafl.is

Staðsetning viðtala: Strandgata 11, Hafnarfirði.

Zoom viðtöl einnig í boði.